पॅकेज’च्या मोहापेक्षा आवड, क्षमता ओळखून करिअर निवडा : प्रा. दिनेश महाजन

जळगांव:-येथील खान्देश कॉलेज एज्युकेशन सोसायटी संचालित स्वामी विवेकानंद कनिष्ठ महाविद्यालयामध्ये माध्यमिक शिक्षण विभागाच्या वतीने राबविण्यात येत असलेल्या सेवा संकल्प अभियानांतर्गत करिअर मार्गदर्शन व समूपदेशन उपक्रमात आज इ.११वी, १२वीच्या विद्यार्थ्यांसाठी इ.१२वीनंतर "करिअरच्या संधी आणि त्यातील आव्हाने" या विषयावर प्रा.श्री.दिनेश महाजन यांचे व्याख्यान आयोजित करण्यात आले होते.

याप्रसंगी त्यांनी वैद्यकीय, अभियांत्रिकी शिक्षणापलीकडे असलेल्या विविध पर्यायांची विद्यार्थ्यांना सविस्तर माहिती दिली. करिअर घडवत असताना कधीही इतरांना किती रकमेचे पॅकेज मिळालेले आहे याचा विचार करू नये आणि त्यानुसार आपली शाखा निवडू नये, आपली बौद्धिक क्षमता,त्या विषयातील आपल्याला असलेली अभिरुची लक्षात घेऊनच शाखा आणि करिअरच्या उपलब्ध पर्यायांपैकी योग्य पर्याय निवडावा असे प्रतिपादन केले. यावेळी प्रा.दिनेश महाजन यांनी विद्यार्थ्यांच्या विविध शंकांचे सविस्तर माहिती देताना निरसन केले.

याप्रसंगी महाविद्यालयाच्या उपप्राचार्या प्रा.सौ.राजश्री महाजन,पर्यवेक्षिका प्रा. सौ.शिल्पा सरोदे, समन्वयकद्वय प्रा.श्री.उमेश पाटील प्रा.श्री.गुणवंत वंजारी प्रामुख्याने उपस्थित होते. यावेळी विद्यार्थी मोठ्या संख्येने उपस्थित होते. कार्यक्रमाच्या यशस्वीतेसाठी प्रा.महेंद्र राठोड,डॉ.अतुल इंगळे, प्रा.प्रमोद भोई,प्रा. विनोद वैदकर,प्रा.योगेश धनगर,प्रा.संदीप गव्हाळे, प्रा.सौ.छाया चौधरी, प्रा.सौ.मीनल पाटील यांनी परिश्रम घेतले.