जीव ओतून केलेल्या कामातूनच मिळतो खरा आनंद — माजी गटशिक्षणाधिकारी प्रमोद पाटील

अमळनेर प्रतिनिधी

    शहापूर केंद्राच्या वतीने आज ‌२८ तारखेला दुपारी बारा वाजता शिक्षण परिषद घेण्यात आली. सदर शिक्षण परिषद जि .प. शाळा निम येथे घेण्यात आली. सुरुवातीला शिक्षण परिषदेसाठी प्रमुख पाहुणे माजी गटशिक्षणाधिकारी अमळनेर तालुका ‌व केंद्रप्रमुख सावखेडा तसेच ग्रामपंचायत निम प्रशासक ‌ सुनील चौधरी यांनी प्रतिमा पूजन केले. तिसरी व चौथी च्या विद्यार्थ्यांनी ईशस्तवन केले. कार्यक्रमाचे अध्यक्षस्थान शहापूर केंद्राचे केंद्रप्रमुख दादासाहेब अशोक सोनवणे यांनी भूषविले . कार्यक्रमाचे सूत्रसंचालन ‌व प्रास्ताविक ‌ शारदा माध्यमिक विद्यालयाचे उपक्रमशील शिक्षक सोपान भवरे यांनी केले. आलेल्या प्रमुख पाहुण्यांचे व विचार मंचावरील मान्यवरांचा सत्कार करण्यात आला. विचार मंचावर ‌ प्रमुख पाहुणे म्हणून ‌ माजी गटशिक्षणाधिकारी प्रमोद पाटील, केंद्रप्रमुख व प्रशासन सुनील चौधरी, शहापूर केंद्राचे केंद्रप्रमुख अशोक दादा सोनवणे, संजय पाटील जि प शाळा शहापूर मुख्याध्यापक, किशोर सिसोदे ‌ जि .प. शाळा‌ कळमसरे , माध्यमिक विद्यालय निम मुख्याध्यापक , शहापूर ‌ माध्यमिक विद्यालयाचे ‌ मुख्याध्यापक विराजमान होते. या सर्व पदाधिकाऱ्यांचा सत्कार जि प शाळा निम यांच्यावतीने सत्कार करण्यात आला. जि प शाळेच्या विद्यार्थ्यांनी आलेल्या मंडळीचे स्वागत करण्यासाठी उत्कृष्ट स्वागत गीत म्हटले.शासनाच्या विविध परिपत्रकानुसार कोण कोणती कामे ह्या महिन्यात झाली पाहिजे या संदर्भात केंद्रप्रमुख अशोक सोनवणे यांनी सविस्तर माहिती दिली. त्यामध्ये पाठ टाचण कशा पद्धतीने प्रभावी असले पाहिजे या संदर्भात तसेच पालकांची तीन महिन्यात सभा घेऊन पाल्या संदर्भात अडचणी समजून घेतल्या पाहिजे. निपुण संदर्भात माहिती देताना आपल्या वर्गातील विद्यार्थी वाचन ,लेखन, अंकगणितीय ज्ञान या संदर्भामध्ये निपुण असला पाहिजे. यानंतर आलेल्या प्रमुख पाहुण्या पैकी माजी गटशिक्षणाधिकारी प्रमोद पाटील यांनी ‌ उपस्थित शिक्षकांना मार्गदर्शन केले. त्यामध्ये त्यांनी कोणतेही काम कमी दर्जाचे नसते. प्रामाणिकपणे केलेल्या कामाची दखल घेतली जाते.पूनम साळुंखे या शिक्षिकेने केलेल्या स्पेलिंग पाठांतरात ५०० च्यावर स्पेलिंग पाठ करणारी मुलगी घडविली त्या शिक्षिकेचे कौतुक केले. दुसऱ्या सत्रात मध्ये सोपान भवरे यांनी "आनापान "विपश्यनेतील पद्धतीवर माहिती दिली. आनापान शब्दाचा अर्थ सांगून विपश्यना पद्धती भारतामध्ये कशी आली या संदर्भात सविस्तर माहिती दिली. म्यानमार येथील सत्यनारायण गोयंका यांनी आपल्या सयाजी ऊ बा खिन आपल्या आचार्यां मार्फत ज्ञान घेतले. त्यातून इगतपुरीला विपश्यना केंद्र सुरू केले. यानंतर कार्यक्रमाच्या अध्यक्षांनी आर टी ई ॲक्टनुसार शिक्षकाची जबाबदारी वाढलेली आहे. कामाला बोज न मानता चांगले काम झाले पाहिजे असे प्रतिपादन केले. शाळेच्या मुख्याध्यापकांनी शेवटी आभार प्रदर्शन करून कार्यक्रम संपल्याचे जाहीर केले.