शब्दांना पंख... कवितेला नवे आकाश!”

जळगांव प्रतिनिधी

जळगाव येथील जिल्हा शिक्षण व प्रशिक्षण संस्थेचे (डाएट) निवृत्त अधिकारी तथा साहित्यिक व कवी प्रा.डॉ. दशरथ साळुंखे यांच्या, 'गाव-शिवारातल्या कविता' आणि 'शब्दधन वाटू जनलोका' या दोन काव्यसंग्रहांचा प्रकाशन सोहळा गुरुवार, दि. ८ आॕक्टोबर २०२६ रोजी आयोजित केला आहे. हा समारंभ जळगाव येथील नवीन स्थानकाजवळील हॉटेल रिगल पॅलेसमध्ये सकाळी साडेदहाला होईल.

या काव्यसंग्रहांचे प्रकाशन पुणे येथील सुप्रसिद्ध विचारवंत, ज्येष्ठ साहित्यिक, ८९ व्या अखिल भारतीय मराठी साहित्य संमेलनाचे अध्यक्ष प्राचार्य डॉ.श्रीपाल सबनीस यांच्या हस्ते होईल.

अध्यक्षस्थानी डाएटचे निवृत्त प्राचार्य तथा माजी शिक्षणाधिकारी नीळकंठ गायकवाड असतील. प्रमुख पाहुणे ज्येष्ठ साहित्यिक अशोक नीळकंठ सोनवणे आणि कवी डॉ.संजीवकुमार सोनवणे, हे काव्यसंग्रहांविषयी विवेचन करतील.

मान्यवर अतिथी म्हणून अहिराणी साहित्यिक प्राचार्य डॉ.बापूराव देसाई, डाएटचे विद्यमान प्राचार्य डॉ. अनिल झोपे, खिरोदा येथील प्राध्यापक व क.ब.चौ.उत्तर महाराष्ट्र विद्यापिठातील शिक्षणशास्र शाखेचे अधिष्ठाता प्रा.डॉ.साहेबराव भूकन, कविवर्य डॉ.अशोक कौतिक कोळी, अथर्व पब्लिकेशनचे युवराज माळी हे प्रमुख पाहुणे असतील.

या कार्यक्रमाला साहित्य क्षेत्रातील मान्यवर व रसिक स्नेहीजनांनी उपस्थित राहावे, असे आवाहन प्रा.डॉ.दशरथ साळुंखे व स्नेहीजन मित्रपरिवारामार्फत करण्यात आले आहे.