पेन्शन पीडित बांधवांनो, निर्णायक आंदोलनासाठी एकजूट व्हा!

अमळनेर प्रतिनिधी : १ नोव्हेंबर २००५ पूर्वी नियुक्त व त्यानंतर १०० टक्के अनुदानित झालेल्या तालुक्यातील सर्व पेन्शन पीडित बंधू-भगिनींच्या महत्त्वपूर्ण प्रश्नांवर विचारविनिमय करण्यासाठी तालुकास्तरीय सभेचे आयोजन करण्यात आले आहे.

२८ सप्टेंबर २०२६ पासून मुंबईतील आझाद मैदान येथे सुरू होणाऱ्या आंदोलनाच्या पार्श्वभूमीवर या सभेत आंदोलनाची दिशा, पुढील नियोजन तसेच पेन्शनविषयक प्रश्नांवर सविस्तर चर्चा करण्यात येणार आहे.

या सभेस सेवानिवृत्त मुख्याध्यापक तथा जुनी पेन्शन संघटनेचे जिल्हा कार्याध्यक्ष मा. डॉ. शांताराम पाटील उपस्थित राहून मार्गदर्शन करणार आहेत.

तरी अमळनेर तालुक्यातील सर्व पेन्शन पीडित बंधू-भगिनींनी मोठ्या संख्येने उपस्थित राहून सभेत सहभागी व्हावे, असे आवाहन आयोजकांच्या वतीने करण्यात आले आहे.

 स्थळ : एन. टी. मुंदडा हायस्कूल, अमळनेर

 वेळ : सायंकाळी ५ वाजता

 दिनांक : २१ सप्टेंबर २०२६, सोमवार

आयोजक : जुनी पेन्शन संघटनेचे तालुकाध्यक्ष प्रभुदास पाटील,माध्यमिक शिक्षक संघाचे तालुकाध्यक्ष संजय पाटील,मुख्याध्यापक संघाचे प्रकाश पाटील,लोंढवे माध्यमिक विद्यालयाचे दिनेश पाटील

सह अमळनेर तालुक्यातील सर्व पेन्शन पीडित बंधू-भगिनी