मंगळग्रह मंदिरात २१ सप्टेंबरला श्री मंगळ जन्मोत्सव; विविध धार्मिक कार्यक्रमांचे आयोजन

मंगळग्रह मंदिरात २१ सप्टेंबरला श्री मंगळ जन्मोत्सव; विविध धार्मिक कार्यक्रमांचे आयोजन

अमळनेर प्रतिनिधी

अमळनेर येथील प्रसिद्ध श्री मंगळग्रह मंदिरात श्री मंगळ जन्मोत्सवानिमित्त २१ सप्टेंबर रोजी विविध धार्मिक कार्यक्रमांचे आयोजन करण्यात आले आहे. जन्मोत्सवानिमित्त मंदिर परिसरात भक्तिमय वातावरण निर्माण होणार असून भाविकांनी मोठ्या संख्येने उपस्थित राहून श्री मंगळ देवाचे दर्शन व धार्मिक कार्यक्रमांचा लाभ घ्यावा, असे आवाहन करण्यात आले आहे.

जन्मोत्सवाच्या कार्यक्रमांतर्गत श्री मंगळ देवाचा अभिषेक सकाळी ८ ते ९ वाजेपर्यंत करण्यात येणार आहे. त्यानंतर मंगळ देव जन्म (पाळणा पूजा) हा धार्मिक सोहळा सकाळच्या सत्रात पार पडणार आहे.

श्री मंगळ देवाच्या जन्मोत्सवानिमित्त मंदिरात विशेष पूजा-अर्चा, सजावट आणि धार्मिक वातावरण अनुभवायला मिळणार आहे. भाविकांसाठी हा दिवस विशेष महत्त्वाचा असून, मंदिर प्रशासनाकडून कार्यक्रमाची तयारी करण्यात येत आहे.

भाविकांनी वेळेत उपस्थित राहून श्री मंगळ देवाच्या जन्मोत्सवाचा आध्यात्मिक आनंद घ्यावा, असे आवाहन मंदिर प्रशासनाच्या वतीने 

अध्यक्ष डॉ डिगंबर महाले व विश्वस्त मंडळाच्या वतीने करण्यात आले आहे.